All Book Categories

परम पूजनीय सद्‌गुरु विद्वत्‌रत्न डॉ. रामचंद्र प्रल्हाद पारनेरकर महाराज आणि परम पूजनीय सद्‌गुरु विद्यासागर डॉ. ॲड. श्री विष्णु रामचंद्र पारनेरकर महाराज लिखित प्रबंधग्रंथांचा समावेश या विभागात करण्यात आला आहे.यातील काही प्रबंध हे आकाराने मोठे व विषयाची विस्तृत स्वरूपात चर्चा करणारे आहेत तर काही लघुप्रबंध या प्रकारात मोडतील असे आहेत. ग्रंथांचे स्वरूप कसेही असले तरी त्यांत मांडलेले सिद्धांत हे मूलगामी व व्यवहार्य असे आहेत, हे अभ्यासा अंति लक्षात येते. यातील जवळ-जवळ प्रत्येक सिद्धांतवर अनेक राष्ट्रीय व अंतरराष्ट्रीय परिषदांमध्ये चर्चा झाली आहे.

या विभागात असे ग्रंथ आहेत की ज्यांची रचना पद्य स्वरूपाची आहे व रचनेस सद्‌गुरु आणि ईश्वरी कृपेने प्रासादिकता प्राप्त आहे. या ग्रंथांच्या नियमबद्ध वाचनाने वाचकांस वा श्रवण करणार्‍यास जे जीवनासाठी आवश्‍यक आहे पण सद्‍य परिस्‍थितीत केवळ प्रयत्नाने मिळवणे कठीण आहे, असे ईश्वरीकृपेच्या बळावर प्राप्त होऊ शकते असे अनुभवास येते. अथवा या ग्रंथांच्या वाचन-श्रवणाने आपल्या प्रयत्नांत काही कमतरता असल्यास तीही आपल्या लक्षात येते असाही अनेकांचा अनुभव आहे.

परम पूजनीय सद्‌गुरु विद्वत्‌रत्न डॉ. रामचंद्र प्रल्हाद पारनेरकर यांनी त्यांच्या पूर्णवाद या तत्त्वज्ञानास व्यवहार्य करण्यासाठी जे ग्रंथ प्रथम लिहिले, ते ग्रंथ या ग्रंथविभागात अभ्यासकांस पहावयास मिळतील. यातील दोन ग्रंथ हे त्यांच्या मार्गदर्शनाचे संकलन व शब्दांकन करून प्रकाशित करण्यात आले आहेत व तीन ग्रंथ हे त्यांचे स्वलिखित आहेत.  यातील स्वलिखित ग्रथांतील लिखाणाचे स्वरूप सूत्ररूप असून व ते अभ्यासण्यास अगदी सोपे आहे. डॉ. पारनेरकर महाराजांचे हे सूत्ररूप लिखाण भारतीय परंपरेतील सूत्ररूप लिखाणातील नवीन व अभिनव पद्धत म्हणून पाहिले जाते.

परम पूजनीय सद्‌गुरु विद्यासागर डॉ. ॲड. विष्णुमहाराज पारनेरकर यांनी पूर्णवाद तत्त्वज्ञान व पूर्णवाद तत्त्वज्ञान मीमांसा या विषयांवर वेळोवेळी घेतलेल्या अभ्यासवर्गांमधील त्यांच्या व्याख्यान, प्रवचन वा मार्गदर्शनाचे शब्दांकन, संकलन करून जे ग्रंथ प्रकाशित केले गेले त्यांचा समावेश येथे करण्यात आला आहे.

या विभागात परम पूजनीय सद्‌गुरु डॉ. रामचंद्र प्र. पारनेरकर महाराज यांच्या पूर्णवाद तत्त्वज्ञानाच्या ज्ञानप्रक्रिया शास्त्राशी संबंधीत ग्रंथांची माहिती दिली आहे.

या विभागात पूर्णवाद तत्त्वज्ञानप्रणालीनुसार विविध विषयांवर निष्ठावंतांनी सृजनात्मक लेखन केले. त्या लेखनाचे ग्रंथस्वरूपातील दर्शन या विभागात वाचकांस घडते. 

या विभागात पूर्णवाद तत्त्वज्ञानप्रणालीनुसार समाजशास्त्रीय सिद्धांत ज्या ग्रंथांत मांडले आहेत, त्या ग्रंथांचा समावेश करण्यात आला आहे. 

हा विभाग माहितीपर पुस्तिकांचा असून, यात पृष्ठसंख्येच्या दृष्टीने लहान पण विशेष माहिती देणार्‍या पुस्‍तिकांचा समावेश होतो. 

या विभागात परम  पूजनीय सद्‌गुरु डॉ. रामचंद्र प्र. पारनेरकर महाराज यांच्या सत्‌शिष्यांच्या चरित्रग्रंथांचा समावेश आहे.आजपर्यंत गुरु-शिष्य परंपरेचा अभ्यास करणार्‍यास हे प्रकर्षाने जाणवते की, सद्‌गुरुंचे चरित्र पूर्णत्वाने अभ्यासणे फार कठीण वा अशक्य असेच कार्य आहे. या विभागातील चरित्रग्रंथांमध्ये गुरु-शिष्य यांच्यामधील संबंध, गुरुंनी केलेल्या कृतीतून वा गुरुंनी दिलेल्या आज्ञेप्रमाणे वागल्याने शिष्याच्या वैयक्तिक, कौटुंबीक, सामाजिक जीवनात कोणते सुयोग्य बदल घडून आले याचा ऐतिहासिक आढावा घेण्याचा प्रयत्न विविध लेखकांनी केला आहे. ग्रंथांचे लेखन करणारे हे सत्‌शिष्यांच्या अगदी जवळच्या नात्यातील वा त्यांचा अधिक सहवास प्राप्त असणार्‍या व्‍यक्‍ति आहेत. चरित्रग्रंथांचे लेखन सर्वसामान्य, लेखनाची सवय नसणार्‍या व्‍यक्‍तिंकडून झाले असले तरी अभ्‍यासाच्‍या दृष्‍टीने हे ग्रंथ अत्यंत महत्वपूर्ण ठरतात.या सत्‌शिष्यांच्या जीवनचरित्राभ्यासातून सद्‌गुरुंचे शिष्याच्या जीवनातील संकल्पयुक्त व कृतीशील स्वरूपाचे दर्शन घडावे हासुद्धा उद्देश आहे. या विभागाचे अजून एक विशेष महत्व म्हणजे, ही सर्व चरित्रग्रंथमाला परम पूजनीय सद्‌गुरु विद्यासागर डॉ. विष्णुमहाराज पारनेरकर यांनी संकल्पना मांडून व त्यावर कार्य करवून घेऊन प्रकाशित केली आहे. इतिहासात सद्‌गुरुंनी शिष्यांची जीवनचरित्रमाला ग्रंथ स्वरूपात प्रकाशित करावी असे प्रथमच घडत असावे.

परम पूजनीय सद्‌गुरु डॉ. रामचंद्र प्रल्हाद पारनेरकर, सती सौ. मनकर्णिका रामचंद्र पारनेरकर तसेच परम पूजनीय सद्‌गुरु डॉ. विष्णु रामचंद्र पारनेरकर, सती सौ. विमल विष्णु पारनेरकर यांच्या जीवनचरित्रग्रंथांचा समावेश आहे.ग्रंथांचे लेखन व संकलन त्यांच्या शिष्यांनी केले असून सर्व ग्रंथ अभ्यासकांसाठी प्रेरणादायी ठरतात.

आजपर्यंत पूर्णवाद तत्त्वज्ञानासंबंधीचे जे वाङमय प्रकाशित झाले त्याचा अभ्यासाच्या दृष्टीने सुयोग्य क्रम लावून ते अकरा खंडांमध्ये प्रकाशित करण्यात आले आहे. हे सर्व खंडस्वरूप वाङमय ‘समग्र डॉ. पारनेरकर’ या नावाने प्रकाशित करण्यात आले आहे. या विभागात सर्व अकरा खंडांची संक्षिप्त माहिती देण्यात आली आहे. हे सर्व अकरा खंड एका संचाचा भाग असून, अभ्यासक यातील कोणताही एक वा एकूण अकरापैकी काही खंड वेगळे विकत घेऊ शकत नाहीत. सर्व अकरा खंडांचा एकत्र संच विक्रीस उपलब्ध आहे. 

श्रीक्षेत्र पारनेर येथील श्रीदत्तमूर्ती स्थापनोत्सवात परम पूजनीय सद्‌गुरु विद्वत्‌रत्न डॉ. रामचंद्र प्र. पारनेरकर महाराज व परम पूजनीय सद्‌गुरु विद्यासागर डॉ. ॲड. विष्णु रा. पारनेरकर महाराज यांनी प्रवचन, आशीर्वचनातून शिष्यांस केलेल्या मार्गदर्शनाचे, त्यांच्याशी साधलेल्या संवादाचे ग्रंथरूप दर्शन या विभागात घडते.

या विभागात विविध काव्यसंग्रहांचा समावेश असून त्यातील काही काव्यसंग्रह हे परम पूजनीय सद्‌गुरु डॉ. रामचंद्र प्रल्हाद पारनेरकर (रामकवी) यांचे आहेत.